今年多名人仙逝內有玄機？

頭條日報

Executive日記——風水師：農曆九月運氣損耗有劫數 今年多名人仙逝內有玄機？

Executive日記 2018-11-03 

Next

1/2■風水命理師區仲德博士話今年係戊戌年，農曆九月又係戌月，會出現俗稱「火山爆發」嘅情況。

　　今年辭世嘅名人特別多，饒宗頤、劉以鬯、高錕、岳華、鄒文懷同埋最近嘅金庸，究竟係巧合定係背後有玄機呢？風水命理師區仲德博士同Kelly講話今年係戊戌年，農曆九月又係戌月，會出現俗稱「火山爆發」嘅情況，而「木」便首當其衝，因此多文人去世。

　　區師傅指今年係戊戌年，五行中嘅火、土都極旺，尤其農曆九月適逢戌月，屬狗，兩戌相遇正如兩狗相鬥，會出現俗稱「火山爆發」嘅情況，導致「土」更旺，然而土克水，土多埋金，土多火晦，土多木折，因此不論屬金、木、水、火嘅人，到九月運氣都會有所損耗，係正常嘅劫數。而且戌月土茂，人瘁逝嘅機會增加，故多人去世。

　　然而，今年尤多文人學者辭世，包括國學大師饒宗頤、著名作家劉以鬯、「光纖之父」前中大校長高錕、武俠小說泰斗金庸，又是否早有命理？區師傅話文人屬教育行業，而教育喺五行之中屬木，「火山爆發」樹木便首當其衝，即使堅挺如「百年樹人」，都容易折斷，所以咁多年紀老邁嘅文人大家喺今年仙逝。

　　咁呢個情況會急轉直下定係另有轉機？區師傅表示，否極泰來，變化便會迎來新環境，雖然短時間內未有轉機，但二〇二二年係水土年、虎年，端木，到時相信會有好嘅收穫，尤其是文化界可以大放異彩，大家可以期待一下。

。。。。。

文人屬木，但今時今日如何去分類是些文人？用職業來分？但上述去世人等有，影藝人，政客，科學家，又可一身兼多職。。。咁從事教育界從業人咪更大㷛鑊？應會死傷殘病慘重。有謂生死有命，人人各自身有其命其運也。。

若木的會衰？那水的更慘，因戊戌上土下土嘛！

娛樂新聞，無須過認真吧~