大師批神棍之命

神棍

《新玄機風水雜誌》

作者：吳鈞洋   日期：2019年10月

    某日有位頗具姿色靚太到訪，甫坐下即遞上一紙命盤(由於坊間起命盤與我有好大出入，所以按紙上生辰再起過) 。起好命盤端詳過之後對靚太發話：「男命……咦！你唔係同佢有嗰啲關係？如果係就該煨囉！」靚太聽我說完先打咗個突跟住臉色一變哭將起來，平伏咗一刻佢回我說話：「命中人係舊情人剛分了手，我比佢大拾年左右…… 」

    我嘆了口氣接話：「損失慘重吧？」對方輕輕頷了一下首。我繼續：「呢條命丙午日柱生辛酉月已丑時，身坐羊刃不旺自旺而足以任財，唯獨捨羊刃不用卻貪合月干辛金，擺明不務正業……」說到呢處靚太已掩蓋不住忿怒之情而搶話：「條粉腸係神功子弟但名副其實神棍…… 畀佢呃嘅女人計起嚟至少半打以上，恃住口碼了得乜X賤格那渣招數都使出用盡，我大大話話唔見咗500萬。」

     我用同情之眼神望了一眼靚太：「唉！命格配置此君生成一條賤格命，我剛才評論過佢八字本來身旺任財、只要肯捱肯做肯定富有，奈何貪合忘用而精歸左注定失敗告終……」靚太打斷我說話：「但條XX至今仍身光頸靚噃！」我莞爾答道：「離仆街不遠矣！你睇明年庚子鼠年，地支子水冲破坐下午刃而天干庚金黨殺生水滅火，或者托賴丙辛合化水流年見水化得成，然則下半年後年辛丑牛年進氣、流年辛金爭合丙火合不成！」靚太聽後回道：「並非黑心想佢衰，但係呢條XX畀佢好DD又出嚟害人……師傅，聞得你紫微斗數犀利、想麻煩你順便睇睇條仆街。」

    我哈哈答話：「看八字當然要夾斗數，呢位仁兄家陣運坐天梁巳垣(原命子女宮) 天梁十二宮中以此最差，身宮未垣冇星而借丑垣財帛宮為用。咁啱中運坐正丑宮(照大運身宮)、宮内太陽太陰而太陰化忌，身宮天機化祿巨門化忌而陰巨雙忌夾父母宮亦大運子女宮貪狼……即係話佢運内所呃女人錢財不在少數、認同係行内敗類，亦吻合八字敗於辛丑年太陽太陰化忌宮垣運内。」(本篇完)

後話

偶從网絡看到上文刊於2019年10月在早巳在本年初停辦的《新玄機風水雜誌》。其實是受其文章標題『神棍』所吸引而打開閱讀。

作者仍香港資深術數家大師，雖文中並非真寫出所得「神棍」的生辰八字，但也可依所留下跡象資料來個反推。見下：

辛酉月出生，依《五虎遁訣》只可能是戊或癸年。依上附命盤，雖四柱刪除了，但年柱下見地支藏壬甲干即年支是亥，如此年柱是癸亥了。綜合上述資料，男神棍是在1983年9月15日丑時出生。八字為：

時日月年
己丙辛癸
丑午酉亥

文章是在2019年10月刊登的，也因上文有謂：「你睇明年庚子鼠年」故乃正是2019己亥流年，命者正是36歲而行丁已大運（37-46 歲）。

故大師謂：「你睇明年庚子鼠年，地支子水冲破坐下午刃而天干庚金黨殺生水滅火，或者托賴丙辛合化水流年見水化得成，然則下半年後年辛丑牛年進氣、流年辛金爭合丙火合不成！」

大家若有興趣又可自研究下這八字，是否正如其名「神棍」？ 但我覺得「神棍」來是用來比喻以鬼神或玄學為名去行騙者。依上所形容，多似是「光棍」或「渣男」一名吧。

《新玄機風水雜誌》是非常富術數資訊，文章十分精彩的网上雜誌，停辨了十分可惜。