王貽興轉行教紫微斗數 5個鐘盛惠$2380
曾經以作家身份走入電視台嘅王貽興，近年甚少幕前演出，離開TVB後最多只係喺2018年為ViuTV劇集《VR驅魔人》演出兼出任導演加編審，同埋演出Viu另一套劇《黑市》。唔做幕前，著作亦都減少，但係原來王貽興轉行教人紫微斗數。
睇王貽興facebook專頁，差唔多每個post都以術數角度提及近期熱話，例如呢幾日爆出《給十九歲的我》嘅紛爭，王貽興就話因為「今年係太陰化科 大家要小心女人，會有好多女人嘅紛爭同問題」。
然後佢仲介紹埋自己教嘅紫微斗數入門班，2堂合共5個鐘收＄2380，以一個月開2班、一班15人計，全數爆滿的話每個月賬面有7萬幾蚊落袋，而且上堂地點由東九龍搬到去金鐘，似乎真係幾唔錯。
王貽興提過教紫微斗數係期間限定嘅事，可能隨時唔再教，不過教吓教吓都教咗差唔多兩年，呢個「期間」都幾長噃。
後話
上謂「今年係太陰化科 大家要小心女人，會有好多女人嘅紛爭同問題」
對這只能一笑置之。上言在任何年任何地區都可適用。
斗數流年四化是每十年為週期.。
然而須知太陰化科，是逢庚和癸年干便發生。如此，2020庚子年、2013癸已年、2010庚寅年、2003癸未年等……也一樣會有好多女人嘅紛爭同問題？
斗數流年四化，太陽可化祿化權化忌，但並無太陽化科。若太陰是女人，太陽是男人吧。
然而太陽無化科，即大家無須「小心男人，永不會有好多男人嘅紛爭同問題」？？
古代是以男什為中心，古人創《紫微斗數》時也重男輕女的偏心了！哈！
又或應以太陽化忌、太陰化忌來作這論點呢？我非大師，不知了！
没有评论:
发表评论