李大師自爆要賣樓套現撐新光營運

李居明自爆要賣樓套現撐住新光營運：喺香港做文化事業都係蝕本

HK01  撰文：吳子生

出版：2023-08-09 17:00

李居明大師今日(9/8)現身銅鑼灣出席粵劇《小平你好》記者會。提到最近盛傳新光戲院又將面臨清拆的命運，李居明大師受訪時表示：「其實而家有好多財團都聯絡咗我，希望繼續經營新光之外，亦有新嘅面貌俾到大家。而我手頭上嘅約係去到2025年嘅2月份，咁所以係呢個日子前新光就唔會有咩大變，但去到2026年攞晒啲業權之後，重建嘅項目係點，都係未知之數，但我會一直爭取有戲院同埋有戲做。」

李居明大師續說：「一直以來，我搞新光都唔係用嚟賺錢，只係到我退休之後想幫粵劇做啲嘢，身體力行去支持香港粵劇，但我就希望唔好蝕咁多錢囉，因為一直我都係蝕住錢做，我只能做就係盡量做到唔使蝕咁多，始終喺香港做文化事業都係蝕本。（你身家仲頂得住！）唯有買吓樓咁撐住，只可以咁囉。（你應該好多物業喺手！）哈哈，唔多！（你有百幾個！）其實物業擺喺度就無意義，但你將佢變成文化活動咁就好有意義。尤其你睇到啲觀眾睇完戲好拍晒手開心咁走，你係會覺得比層硬掘掘嘅樓更有意義。」

後話

無須替大師擔心，大師隨便佈個風水局也可即發過猪頭，只擔心他修行早巳是到四大皆空吧！