玄學家不能講真話

宅谷   2023年8月14日

湯文亮 紀惠集團行政總裁

　　今早開例會時，有同事話在週末時見到一個玄學家，佢話香港地運已過，樓市冇運行，仲叫我哋小心啲，如果可以，賣走一些物業。

　　我對同事講，公司做了咁耐，冇搵人睇過風水，最緊要自己開心，在搬入公司現在寫字樓的時候，有玄學家話公司大廈是英雄塚，上一手大業主是大孖沙都做唔掂，我哋公司仔很容易反艇，我話我們膽正命平，冇做對唔住別人的事，做唔掂是自己學藝不精，唔關風水事，我們不是英雄，唔使驚，玄學家當然唔開心。

　　我問玄學家將咁緊要訊息講畀我知，唔怕涉漏天機，輕則自傷，重則禍及家人，除非所講的不是真話，才不用擔心，玄學家當然沒有回應，做話我好人當賊扮。

後話

玄學家？現今坊間自稱為神童、天王、天后、大師者才街都是。講真話？講假話？講神話？或講鬼話或是笑話？巳見慣不怪。重要的是有幾多乎合實況？當然也曾有真功夫真章「術數」者多也是前輩長者級以上，早巳是塵歸塵土歸土了。

再者，下元九運不利地產樓市的玄學論，早巳流傳民間有三、五年以上多，人云亦云到並無甚麼秘密天機之類。到今天再來加熱炒作，也了無新意。

一命二運三風水，若命是要倒霉破產運，神仙也難救你！但仍有D大師話可以改命改運的，信者得救吧？！