《搵陣》︳林作千呎大宅桃花沖正厠所位 蘇民峰睇風水首次有人咁要求… - 晴報 - 娛樂 - 中港台
林作在香港開電視最新一集《搵陣》中，有堪輿學家蘇民峰為其半山千呎大宅睇風水。一向在網絡世界最惹火頭的林作，原來除了關心自己是非，亦想透過風水命理改變一下運程，「第一，係姻緣，我啲姻緣比較複雜，第二，係母子關係，第三，就係是非問題。」蘇師傅對林作居所位處中環半山，能遠望維港，是水為財格局，評分甚高，不過因大門向東，睡房在西位，旺丁不旺財。
林作話終於有節目嚟幫佢睇風水，因為「睇風水好貴喎！」(電視截圖)
蘇民峰指呢間係風水屋，執執佢可以旺足二十年。(電視截圖)
前女友是十優港姐麥明詩，現女友為裕美，對於姻緣，林作表示：「拍過幾次拖都係好被動，都係畀人食住，仲要多數之後都無疾而終。」蘇師傅指林作八字屬火，硬頸又固執，而他認識都是同類人，所以火星撞地球，「夫妻關係主宰係睇邊個雙眼『夠神』，你雙眼就無神嘞，咁對住個同你一樣固執嘅女友，唯有嗌交時你唔出聲就冇事啦！搵個你好滿意、你又願意聽佢講嘅老婆囉！
蘇師傅看出問題所在於厠所位，「桃花偏偏落喺睡房嘅厠所位，反而不利桃花、人緣、人際關係，所以你一有桃花就會沖走，係成間屋嘅缺點。」點解決？蘇師傅話可以在厠所擺放水種植物，多水可聚桃花，另一個方法是「封厠」，「搵塊木板蓋住個馬桶，放張枱放張凳，將厠所變書房變成工作嘅地方！」
至於林作自從與裕美拍拖後，母親多次表示不喜歡女方，母子因而有拗撬，平時與母親相處，林作這樣形容：「同媽媽關係似生意伙伴多過母子，坐埋都係講大家事業，好少講感情。」蘇師傅指可以在和合位下功夫，因他的和合位於客廳，「艮卦同兌卦係一對，可以放置兌卦的卦象，兌為少女，所以掛一幅少女美女圖就可以化解。」主持Paula即提議林作，請女友和母親一齊影一張合照，放在客廳就小事化無，林作笑言：「咁要擇個日先！」
裕美被男友母侮辱兼「冷暴力」對待 王君馨嫌林作蠱惑擔心好友受騙
講到林作因言論出位，經常與網民開戰，是非不停，但他笑言：「我唔怕，我擁抱是非，我想催旺佢，越旺越好，有助我事業。」
蘇師傅聽到一頭問號，「又幾奇怪喎，我睇咗幾廿年風水，啲人只會要求化是非，加是非真係第一次聽，你有冇諗清楚係咪要加?」林作話：「係呀，我要加。」既然咁堅定，蘇師傅說可擺催官局，及在是非位，如露台及床底放紅紙，便可以催旺，但亦補充說「如果你後悔，你可以轉放粉紅色卡紙就可以化解是非。」
撰文︰衛紫敏
後話
大師似有不認同林作謂是非越旺越吉利之說。也許，知林作早前有求問其它大師行家提點，不便多說了。
没有评论:
发表评论