葉劉：佢幾年無來港 羅奇：舊年嚟咗3次

【Emily】葉劉：佢幾年無來港 羅奇：舊年嚟咗3次

2024年2月21日星期三

【明報專訊】大摩前亞洲區主席羅奇（Stephen Roach）先前撰文提出「香港玩完論」喺政經界引起廣泛關注，行會召集人葉劉淑儀都寫信去英國《金融時報》反駁，信中提到「據知羅奇已經幾年無來過香港，歡迎佢親身嚟香港睇吓點繼續蓬勃發展」。不過，羅奇近日喺社交網站X話，佢舊年嚟咗香港3次，所以葉太嘅講法唔係好啱。

駁玩完論 葉劉叫來港睇吓點蓬勃

翻查羅奇嘅網誌同公開資料：

• 羅奇舊年1月嚟香港出席摩根士丹利客戶活動，當時都有出席亞洲協會香港中心活動，仲就自己本新書同中心主席陳啟宗對談；
• 11月佢就出席前特首董建華創辦嘅中美交流基金會論壇；
• 年底都有再嚟過一次。頭兩次來港時，羅奇都分別接受《南華早報》訪問，報道佢會喺香港出席論壇。

至於港交所主席史美倫早前都回應完全唔認同羅奇嘅「香港玩完論」，話每次香港經濟都係喺唔被睇好之下反彈。羅奇就話，同查太係識咗超過25年嘅好朋友，自己都有少少希望查太係講得啱，但認為自己先前提出嘅關注係不言而喻。

後話

可見份量和級數的差距實太遠了！