玄學家的有危就有機也可成樓市大閘蟹

買樓貨比三家，賣樓貨比自家

　　有年輕朋友話經濟環境雖然不太差，但樓市氣氛唔好，利息又會上升，佢同太太商量過，不如將買入大約十年的自住單位賣走，唔使再擔心加息，我話人各有志，如果有需要或者睇唔好前景，賣走自住單位亦是一個解決辦法，不過在賣樓之前，一定要了解一下樓市，最好去睇樓，唔好任由地代亂咁點。

　　年輕朋友話他明白買樓才要去睇樓，貨比三家，賣樓點解要去睇樓，老實說，以前的人教功夫，一定收埋一些獨門絕技，買樓貨比三家係人都知道，但賣樓貨比自家就唔會有人教，而事實上賣樓貨比自家仲緊要，否則隨時平賣一兩成，市場上又多一個大蝕讓成交。

甚麼是賣樓貨比自家？就是要到市場上搵一些與自己打算賣走的自住單位作出比較，地代叫人賣樓一定話市場上劈價樓盤多如牛毛，到有人要睇樓的時候，不是業主不方便，便是那個單位剛剛賣走，就算可以睇樓，都會發覺那個單位無論是地點，質素都冇自己打算出售的單位咁好，而且售價仲貴過自己個單位，所以，如果賣樓唔貨比自家，很容易矇朦查查賣走自己個單位，是不是很重要。

　　一般人買樓是會比較用心一些，莫講話貨比三家，貨比十家亦大有人在，不過，貨比十家的人大多數買唔成，但賣樓的時候就比較求其一點，地代講他們就信，現在何只地代，有名分析師，評論員，甚至玄學家都話樓市大冧，有可能大跌五成，現在唔賣就笨，仲邊有時間貨比自家，話時話，知道大跌五成，點解仲會有人買樓。

後話

早前曾有中港民网大罵多位香港玄學大師一面唱衰樓市卻另一面趁著低市掃貨。

略翻查今年新聞有所刊登的有以下，當然不止這三位。

• 《HK01》3月15日報道，蘇民峰，新近斥資5,200萬元買入上環文咸東街一幢舊樓。
• 《HK01》 5月24日報道，七仙羽被踢爆睇2000萬豪宅想再入市　手上擁10個物業變圈中富婆
• 《HKBT 》8月6日報道，麥玲玲手持三個半山物業

須知大師們雖然在早多月或年前低市時入貨，但並非似現今更低點。今年銀行持續加息，市況更淡寒。

據以下近日新聞對今明倆年香港樓市預測，實是並不樂觀。分分鐘，玄學大師的「有危就有機」，把自己也綁成樓市和股市的大閘蟹，手頭資產值難保和流動資金被拖死。至少被綁和死守倆年，才見曙光可望放盤。

這倆年經濟和地產樓市衰退，我相信他們受聘風水顧問收入來源也減少。須知執業玄學界，多是自營自顧人仕，業務多少便是收入多少。

• 2022/10/19【明報文章】疫情前，一位發展商高層在私人聚會中，已坦言樓市必跌。當時他問在座有沒有人剛入市，有位朋友說看中新界一個樓盤，落了訂，他說如果落了細訂，可以考慮放棄，因為將來一定可以用更便宜的價錢買，甚至有更好的選擇。
• 2022/10/18 《HKET》 星展銀行 （香港） 研究部香港房地產業分析師丘卓文表示，今年首9個月香港樓價已跌超過8%，與去年高峰期比較更跌逾11%。他預計，假設明年第2季香港與內地通關，明年整體樓價仍會跌5%，
• 2022/10/13  《財華社》 看空香港樓市聲音越來越多高盛預測明年底之前將下跌30%！

大師們趁低入市，實況成果是禍是福？是賺是蝕？也只自知。