紅黃裝修化解凶宅。。。😱

蘋果日報   中環在線：
玲玲師傅教路　紅黃裝修化解凶宅 - 李華華

樓市升到連凶宅都高位出貨，單係今個星期，市場就浮出兩單凶宅易手資訊，難怪有人話家陣凶宅唔可怕，最怕冇樓揸手咋。咁究竟點先可以住得安心呢？玄學家麥玲玲就建議大家喺裝修上面落工夫，夠陽氣就心都定晒喇。

繼死過人嘅荃灣中心單位早前以近400萬元、呎價1.2萬元易手，喺正1998年「五屍命案」隔籬嘅德福花園單位，噚日又話以超過500萬元出貨，呎價1萬。

玲玲師傅就話，玄學上凶宅陰氣重，但都可以靠裝修增強陽氣自救，「鏡容易招陰，凶宅就唔好擺咁多喇」。此外，裝修用色最好唔好太過深沉，可以用番啲有生氣嘅顏色，例如黃色、紅咁，同埋盡量將窗簾長期拉開，等間屋夠光猛，加重陽氣。

咁究竟咩人住凶宅影響冇咁大呢？玲玲師傅就話，其實最重要都係住客心態，大家咁貴買層樓，都係想有覺好瞓，如果根本唔安心就無謂博。反而住客如果有宗教信仰，又或者係外國人、傳教士等等，本身百無禁忌就ok，凡是都係求安心。

查實玲玲師傅一向鍾意投資磚頭，佢話見過唔少friend買入凶宅，無蟹之餘重升得唔錯，所以凶宅都唔一定炒唔起。睇番今年樓市，玲玲都話升到咁癲要睇定啲，有機會可能考慮投資寫字樓。

-------

咁都得？？！厲害！
鬼怕紅黄色？但不少是穿著全鮮紅衣服化妝才自殺，他們卻一樣怕紅黄色？我實不知，因只研究術數並非玄類神學之類。我認為治鬼找佛道法師又或神父，有肉體或精神病問題便應去找專業醫生診治吧。但若，所述的宗教人士入住就無問題，那麼應該是宗教上的神和信仰的力量是重要！那紅黃色裝修也會相等於宗教上的神和信仰力量？我實無研究。

那麼，大家無事又無聊就千萬不要將屋企用紅黄裝修！會俾你誤會係凶宅！尤其是當賣樓期間！

又或當探訪人家屋企見到是紅黃裝修就要識做，記得無論是行出行入也要講“借過，唔該”！要有禮貌尊敬點吧！

若流年又再遇上風水五黄二黑氣入宅，咁你話會否未衰都變衰呢？自己想下吧！😂

話雖然如此，若此法行得通，可打救了很多人，例如要較易點將凶宅出售的宅主，又或那些無辦法而迫著要入住凶宅的群眾。可會是功德無量！