標籤 (仍有近300文章待補上標籤)

香港富豪 押注倫敦?天才與白痴?

FI專欄|香港富豪 押注倫敦|Louise
FI專欄|香港富豪 押注倫敦|Louise
FI專欄|香港富豪 押注倫敦|Louise


三年幾冇遠行 ,月初到英國走一轉,去到倫敦感到自己是「港燦」, 何解? 港官開口埋口話香港係國際都會,但置身倫敦市中心,見到各國不同種族人士; 黑、白、黃、啡都有,困喺香港真係好耐冇見此景况,實在感到好陌生。到底何謂國際大都會呢?

早排英鎊狂瀉,通脹爆升至雙位數,又狂加息,以為英國經濟快要冧,但處身倫敦完全感受唔到經濟衰退,Harrods或Selfridges 百貨公司,人頭湧湧,中東濶佬及濶太捕住名店,相反強國人就消聲暱跡;喺蘇豪區食晚飯 ,餐廳都排長龍,仲要限住食1.5小時;倫敦在疫後,住宅租金急升,今年以來起碼升兩成。繁榮背後,就係倫敦有四方八面資金及人材湧入。香港班富豪 ,又點會執輸呢?李嘉誠、劉鑾雄、張松橋及鄭家純 ;個個係倫敦都有大型項目在手, 不知幾風騷巴閉。

大劉倫敦延續「愛美高」。大劉嘅鐵漢柔情,有見於佢同死鬼前妻寶詠琴創立的「愛美高」,前稱「愛美高大厦」是恒大中心的前身,2015年由許家印同大劉以$150億摸頂接貨。 此後大劉在香港未有另覓landmark作總部。 原來就揀咗倫敦 Fleet Street 重建 「愛美高大廈」。 呢條街唔講得笑, 喺英國報紙及出版業的歷史街道,高峰期英國大、小報章都由Fleet Street發行至英國各地,不過出版業式微,整條Fleet Street 的報館大厦將活化或拆卸重建。如今嘅劉太甘比, 都係傳媒出身,選址呢條街起動「愛美高大厦」別具意義。大劉將原有的River Court和前Daily Express 大厦活化重建。以往大劉經常成為報紙頭條,佢嘅soundbite 如「老千商人」、「專業小雞」、「殯儀之星」真係字字鏗鏘,創意無限,同Daily Express 嘅小報風格有得揮。


大劉把原本Daily Express 大樓(左)及River Court(右)兩幢一併活化及重建,工程已開展中。
大劉把原本Daily Express 大樓(左)及River Court(右)兩幢一併活化及重建,工程已開展中。

由長實發展的倫敦Battersea 發電廠住宅及商場項目Chelsea Waterfront,在倫敦地鐵賣行廣告, 踩去現場睇,嗰兩碌大煙囪好有氣勢,不過如果間屋係由家發電廠改建而成,又怪怪地,然而呢區真係富貴, 一房價要100萬鎊, 附近的屋苑住戶, 衣著光鮮有貴氣,老人家出入都以倫敦的士代步,呢個價錢都係買個地址而已。

Chelsea Waterfront附近的住戶,十分中產,不時有的士出入屋苑。
Chelsea Waterfront附近的住戶,十分中產,不時有的士出入屋苑。

有「重慶李嘉誠」之稱的張松橋,已不再返重慶,現活躍於倫敦,除咗做人頭幫許家印在Knightsbridge買豪宅外,佢自己嘅中渝置地都落注高尚住宅區Notting Hill來發展。 聽當地的一個香港地產經紀講,上月尾張松橋再到過倫敦篤工,呢個樓花豪宅盤有一百個單位, 已經賣左30個,呎價要成4萬港元,仲會有間五星級嘅 Six Senses 酒店。

這個在Notting Hill 的項目,屬張松橋旗下的中渝置地,近100個單位已賣出30個樓花。
這個在Notting Hill 的項目,屬張松橋旗下的中渝置地,近100個單位已賣出30個樓花。

有個朋友隔山買牛,幫襯新世界嘅鄭家純,買咗Greenwich Peninsula一個單位,即管幫佢實地望下,只可以講好似香港典型嘅大型屋苑咁,像將軍澳新開發區咁啦,起成萬七個單位,咁龐大嘅供應,樓價升唔升得起就自己諗。

這Greenwich Peninsula ,在倫敦以東,遠離市中心,十足香港大型屋苑。
這Greenwich Peninsula ,在倫敦以東,遠離市中心,十足香港大型屋苑。


後話

上謂:「香港班富豪 李嘉誠、劉鑾雄、張松橋及鄭家純 ;個個係倫敦都有大型項目在手, 不知幾風騷巴閉。」唉!這班香港班富豪是否有智商有問題?為何不聽講聽教只全注去投資大灣,又或只在香港? 令我想起許冠傑首舊歌《天才與白痴》果句歌詞「你痴定我痴」……

没有评论: