【Emily】「你好，香港！」啟動禮全男班 婦女基金會董事批未展多元2023/2/9
「Hello Hong Kong」啟動禮上，特首李家超（中）、政務司長陳國基（左五）、財政司長陳茂波（右五）、立法會主席梁君彥（左四）等11個男人做主禮嘉賓。（政府新聞處）
【明報專訊】政府日前啟動Hello Hong Kong「你好，香港！」宣傳攻勢，但Emily同唔少人都留意到，當日啟動儀式上，主禮嘉賓「清一色」全男班，特首李家超等11個男人喺台上一字排開。
何東家族成員、婦女基金會董事何苗春暉（Joanna）就喺社交平台話自己好愛香港，好開心見到香港返嚟喇，但佢形容全男班嘅安排簡直唔可以接受，問：「呢班男人做緊咩？（What are all these men doing?）」
Joanna認為，啟動禮唔係一個私人派對或朋友聚會，而係說服世界「香港返嚟」嘅公關活動，質疑政府浪費今次資源同機會，向外界展示香港嘅多元。
政府：主事官員、伙伴機構領導皆男士
政府發言人回覆解釋，出席啟動禮嘅主禮嘉賓包括政府主事官員同主要伙伴機構領導，「而現時出任這些職位的人士均為男士」。至於日後同類活動會唔會改善，政府發言人話「得悉並感謝婦女基金會的意見」。旅發局回應話嘉賓安排係政府決定。
後話
言之有理！選賢任能，應是無分男女老幼。
不知現在正進行的中東訪問是否也全只是男團員？若是，應要男女公平和平等點，或在下次中東訪問，可考慮加進行會葉劉和立會多位女性議員精英和各商界女強人吧！
没有评论:
发表评论